Дастан Сәтпаев «Челси» сапындағы алғашқы голын соқты
«Челси» футбол клубы
Футболдан Қазақстан ұлттық құрамасының 17 жастағы шабуылшысы Дастан Сәтпаев лондондық «Челси» сапындағы алғашқы голын соқты, деп хабарлайды Bassport.kz.
Аустралияның Сидней қаласында өтіп жатқан маусымалды оқу-жаттығу жиыны аясында лондондықтар «Вестерн Сидней Уондерерс» ұжымымен кездесті. Бас бапкер Хаби Алонсоның сеніміне ие болып, кездесуді алғашқы минуттан бастаған отандық талант ойынның басында-ақ мергендігімен көзге түсті.
Атап айтқанда, Дастан матчтың 7-минутында қарсылас қақпашысымен жеке-дара шығып, мүмкіндігін мүлт жібермей, есеп ашты.
Айта кетейік, «Қайрат» клубының түлегі 12 тамызда кәмелет жасына толғаннан кейін ағылшын грандымен ресми түрде келісімшартқа отырады. Клубтың бас бапкері Хаби Алонсо ойыншының болашағына қатысты шешімді маусым алдындағы бақылау матчтарының қорытындысы бойынша қабылдайды.