Kентаулық спортшылар әлем чемпионатында рекордтар жаңартты
Кентау қаласы әкімдігінің баспасөз қызметі
Қазан айының 25-27 жұлдызы аралығында Қырғызстан Республикасының Бішкек қаласында пауэрлифтинг және күштік спорт түрлерінен Әлем Чемпионаты өтті.
Аталған бәсі биік турнирде Кентау қаласының балуандары әлемдік рекордтарды жаңартып, жүлделі орындарды иеленді. Мәселен, Ташполатов Дилмурат 3 алтын иегері, алтын кубок және 4 рет Әлем рекордын жаңартып ең үздік спортшы атанды.
Абдурахманов Елнур Кентау қаласының пауэрлифтинг және күштік спорт түрлінен аға жаттықтырушысы 2 алтын иеленді және 3 рет Әлем рекордын жаңартты. Абдрахманов Абдуқадыр 2 алтын иегері атанды және Әлем рекордын жаңартты. Байдулла Оразали 2 алтын иегері атанды және Әлем рекордын жаңартты. Валиев Руслан 3 алтын иегері, Дарибаев Даурен 2 алтын иегері атанды.
Пауэрлифтинг бойынша түрлі халықаралық жарыстарда Кентау қаласы спортшыларының жеңісі дәстүрге айналған. Оның ішінде қаладағы Спарта спорт кешенінің шәкірттері жоғары жетістіктерге қол жеткізуде.