Асу Алмабаевқа UFC өзбекстандық файтерге қарсы жекпе-жектің алдында жақсы жаңалық шықты
Getty Images
Аралас жекпе-жек саласындағы танымал инсайдер, Eurosport Nederland журналисі және Tapology.com редакторы Марсель Дорфф Sports.kz сайтына қазақстандық Асу Алмабаев пен өзбекстандық Рамазан Темиров арасындағы жекпе-жекке қатысты пікірін бөлісті, деп хабарлайды Bassport.kz сайты.
— Бұл жекпе-жекте мен үшін фаворит — Алмабаев. Қазір оған жеңісті жолға қайта оралу керек. Егер ол Темировты жеңсе, қазақстандық спортшы наилегчайший дивизионның үздік жетілігіне қайта оралары анық, — деді сарапшы.
Айта кетейік, бұл жекпе-жек 26 шілде күні Абу-Дабиде (БАӘ) өтетін UFC on ABC 9 турнирінде өтпек.
31 жастағы Алмабаев өткен жекпе-жегінде UFC турнирінің басты кездесуінде өнер көрсеткен алғашқы қазақстандық болды, бірақ Манел Капеден жеңіліп қалды. Асудың қазіргі көрсеткіші — ММА-де 21 жеңіс және 3 жеңіліс, ал UFC-де 4 жеңіс және 1 жеңіліс.
28 жастағы Темировтың көрсеткіші — ММА-де 19 жеңіс және 3 жеңіліс. UFC-де әзірге екі рет жеңіске жеткен. Айта кету керек, Рамазан бұған дейін қазақстандықтармен үш рет жекпе-жек өткізген: Талғат Жұмағалиевпен (2019 жылы тұншықтыру әдісімен жеңілген, 2021 жылы шешіммен жеңген) және Сәтбек Есенгельдинмен (2021 жылы шешіммен жеңген).