Елена Рыбакина – қазақстандық теннис тарихындағы үздік спортшы
Спорт Шредингера
Уимблдон-2022 чемпионы, әлемнің 10-ракеткасы Елена Рыбакина Қазақстан тарихында алғаш рет әйелдер арасындағы барлық төрт «Үлкен дулыға» турнирінің жекелей сынында төртінші айналымға шыққан теннисші атанды, деп хабарлайды Bassport.kz Championat.com-ға сілтеме жасап. Бұл деректі OptaAce растады.
2025 жылғы US Open турнирінде Рыбакина төртінші кезеңге өтіп, британдық Эмма Радукануды 6:1, 6:2 есебімен жеңді. Бұл – оның АҚШ ашық біріншілігіндегі үздік нәтижесі. Бұған дейін Елена Australian Open-де финалға дейін жеткен (2023), «Ролан Гаррос» жарысында ширек финалда ойнаған (2021, 2024), ал Уимблдонда жеңімпаз атанған (2022).
US Open ширек финалына шығу үшін Рыбакина чехиялық Маркета Вондроушова мен италиялық Жасмин Паолини арасындағы кездесудің жеңімпазымен ойнайды.