Мераб Двалишвили Конор Макгрегормен бірлескен жаттығу өткізгісі келеді
Жекпе-жек
Чемпионат
Жеңіл салмақта UFC чемпионы, грузиндік файтер Мераб Двалишвили ирландиялық жұлдыз Конор Макгрегормен бірге жаттығу өткізуді жоспарлап отырғанын мәлімдеді, деп хабарлайды Bassport.kz Sportskeeda-ға сілтеме жасап.
– «Менің ойымша, Конор шынымен октагонға оралуды қалайды. Қытайда жүргенімде оның достарымен танысып, кейін телефон арқылы сөйлестік. Конор бірлесіп жаттығу жасай аламыз ба деп сұрады. Мен, әрине, келісімімді бердім. Бірақ қазір менде жоспарланған жекпе-жек бар, сондықтан лагерьден кетпеймін. Кори Сэндхагенмен кездескеннен кейін жыл соңына дейін тағы бір рет октагонға шыққым келеді. Содан соң Конорға бара аламын деп ойлаймын. Оған қуаныштымын және UFC-дің Ақ үйде өтетін турнирінде оның жекпе-жегін көргім келеді», – деді Двалишвили.
Айта кетейік, грузин чемпионының келесі кездесуі 4 қазан күні UFC 320 турнирінде өтеді. Ол бұл кеште америкалық Кори Сэндхагенге қарсы шығады.
Бұған дейін Двалишвили Сэндхагеннен кейін бұрынғы чемпион, ресейлік Петр Янмен жұдырықтасуға дайын екенін де айтқан болатын.