«Реалдың» бас бапкері «Қайратқа» қарсы ойынды ерекше деп атады
Fondoruso.ru
Мадридтік «Реалдың» бас бапкері Хаби Алонсо баспасөз мәслихатында Чемпиондар лигасының жалпы кезеңіндегі «Қайратқа» қарсы матчты клуб үшін ерекше ойын деп атап өтті, деп хабарлайды Bassport.kz.
«Реалдың» бұл кезеңдегі қарсыластары қатарында «Манчестер Сити», «Ливерпуль», «Ювентус», «Бенфика», «Марсель», «Олимпиакос», «Монако» және «Қайрат» бар. УЕФА 30 тамыз күні матчтар күнтізбесін жариялайды. Дегенмен, жеребе барысында-ақ мадридтіктердің Қазақстанға қонаққа келетіндігі белгілі болды.
Алонсоның айтуынша, бұл сапар клуб үшін айрықша мәнге ие:
«Топ өте қиын әрі ынталандыратын деңгейде. Қазақстанға сапар – ерекше жағдай. Бізге логистиканы барынша жеңілдету қажет болады. Бұл шынымен де өзгеше тәжірибе», – деді ол.
Бұған дейін «Реалдың» директоры Эмилио Бутрагеньо да Қазақстанға дейінгі қашықтықтың маңызды фактор екенін атап өткен.
«Қайраттың» жалпы кезеңдегі үйдегі қарсыластары – бельгиялық «Брюгге», кипрлік «Пафос» және гректің «Олимпиакосы». Сырт алаңда команда италиялық «Интерге», ағылшынның «Арсеналына» және даниялық «Копенгагенге» қарсы ойнайды.