Хаби Алонсо тәртіп орнатуға кірісті: Винисиус алғашқы “құрбан” болуы мүмкін
Football24.ru
«Реалдың» жаңа бас бапкері Хаби Алонсо команда ішінде тәртіп орнатуды басты мақсаттардың бірі ретінде белгілеп отыр, деп хабарлайды Bassport.kz Don Balon порталына сілтеме жасап.
Испаниялық маман енді старттық құрамды анықтауда ойыншының атағы немесе жұлдызды мәртебесі шешуші фактор болмайтынын ашық білдірді. Бірінші болып бұл өзгерістер әсер етуі мүмкін футболшылардың қатарында — бразилиялық Винисиус Жуниор.
Бұған дейін Винисиус бұрынғы бапкер Карло Анчелоттиден толық қолдау көріп келген болатын. Анчелотти оның эмоциялық әрекеттеріне көз жұма қарайтын. Алайда Алонсо мұндайға төзбейтінін аңғартты. Ол командадан тәртіп пен бар күшін алаңға жұмсауды талап етуде.
Бапкердің пікірінше, Винисиус соңғы уақытта ойыннан гөрі жалақыны көтеру мен даулы жағдайларға көбірек көңіл бөліп жүр. Алонсо бұл жағдайды түзеуді көздеп отыр: тәртіп пен ұжымдық ойынды бірінші орынға қояды.
Айта кетейік, клубтық әлем чемпионатының 2025 жылғы жартылай финалында Винисиусті алаңға шығармау туралы шешім қабылданған. Алайда басқа ойыншының жарақаты бұл жоспарға кедергі келтірген. Бұл жағдай Хаби Алонсоның қажет болса, қатаң әрі танымал емес шешімдер қабылдауға дайын екенін көрсетеді.