Тони Фергюсон алты жылдан кейін алғаш рет жеңіске жетті
Бокс
FightTime
АҚШ-тың аты аңызға айналған файтері Тони Фергюсон алты жылдық үзілістен кейін алғаш рет жеңіске жетті, деп хабарлайды Bassport.kz. Алайда бұл жолы «Эль-Кукуй» өзін ММА емес, бокс рингінде көрсетті.
АҚШ-та өткен Misfits Boxing турнирінде 40 жастағы UFC ардагері танымал филиппиндік блогер Salt Papi-мен кездесіп, үшінші раундта техникалық нокаутпен жеңіске жетті.
Бұл Фергюсон үшін ерекше сәт болды: ол UFC-де қатарынан сегіз жекпе-жекте жеңіліп, 2019 жылдан бері жеңіс дәмін татпаған еді. Сол жылы ол Дональд «Ковбой» Серронені тоқтатқан болатын.
Жекпе-жектен кейінгі эмоциялар айрықша болды — жанкүйерлер Фергюсонды ерекше қолдап, өзі қуаныштан көз жасына ерік берді. Көп жылдан бері күткен жеңісін ол ақыры тойлады.