Қазақстан дзюдодан кадеттер арасындағы ӘЧ-2025-тің ерлер медальдық көрсеткішінде үздік үштікке енді
Azattyq Ruhy
Қазақстан құрамасы кадеттер (U18) арасындағы дзюдодан әлем чемпионатында жалпы есепте 6-орынға, ал ерлер медальдық көрсеткішінде 3-орынға табан тіреді, деп хабарлайды Bassport.kz.
Қыздар арасында қазақстандық спортшылар үздік жетілікке ене алмады.
Жалпы қоржынымызда – 5 жүлде (1 алтын, 1 күміс, 3 қола) және 1 бесінші орын бар:
• Ернұр Батырғали (60 кг) - алтын
• Мұхамедәлі Жылқайдар (66 кг) - күміс
• Арман Мыса (50 кг) - қола
• Ролан Қайырғали (66 кг) - қола
• Әділжан Жаудинов (+90 кг) - қола
• Мырзатай Қыдырбай (73 кг) - 5 орын
Ерлер арасындағы командалық есепте Өзбекстан топ жарды – 3 алтын және 2 қола медаль.
Әйелдер рейтингінде бірінші орынға Бразилия (2 алтын, 2 қола) шықса, жалпы есепте де Өзбекстан (5 алтын, 2 қола) көш бастады.