«Қайрат» Көкшетауда бір голмен жеңісті жұлып әкетті
ФК “Кайрат”
Көкшетаудың «Оқжетпесі» мен Алматының «Қайраты» Қазақстан Премьер-лигасының 22-турынан шегерілген ойында кездесті, деп хабарлайды Bassport.kz.
Матч «Оқжетпес» стадионында өтіп, төрелік етуді Тараздық төреші Сәкен Байымбет бастаған қазылар алқасы атқарды.
Алғашқы минуттардан-ақ қонақтар қарсылас қақпасына қысым жасады. 8-минутта Жоржиньо қарсылас қорғаушыларының қателігін пайдаланып, есеп ашты. Бұдан кейін алаң иелері белсенділік танытқанымен, гол соға алмады. Екінші таймда да тартыс күшейе түсті, бірақ нәтижеге өзгеріс енбеді — 0:1.
Осылайша «Қайрат» сырт алаңда жеңіске жетіп, 46 ұпайға ие болды. Бұл көрсеткішпен олар көшбасшы «Астанамен» теңесті. Ал «Оқжетпес» 32 ұпаймен турнир кестесінде алтыншы орында тұр.
«Оқжетпес» — «Қайрат» 0:1 (0:1)
Гол: Жоржиньо, 8’ (0:1).