eFootball Mobile-дан Қазақстан құрамасы халықаралық турнирде үздік төрттіктің қатарына енді

eFootball Mobile бойынша Қазақстан ұлттық құрамасы FIFAe Continental Championship Europe 2026 турниріндегі ойындарын үздік төрттіктің қатарында аяқтады, деп хабарлайды Bassport.kz ҚФФ-ға сілтеме жасап. 

5-6 қыркүйек күндері Португалияның Лиссабон қаласында өткен құрлықтық чемпионатқа Еуропаның үздік 8 ұлттық құрамасы қатысты. Турнир қорытындысымен үздік командалар анықталып, FIFAe World Cup 2026 жолдамалары сарапқа салынды. 

Қазақстан құрамасының ойыншылары Жансерік Мейрамбек (Neo) мен Нұрсұлтан Ермекжанұлы (Kezdeser) турнирдің алғашқы кезеңінде 7 ойын өткізіп, плей-офф кезеңіне жолдама алды. 

Топтық кезеңдегі кездесулердің нәтижесі: Қазақстан 1:2 Түркия

Сербия 1:2 Қазақстан

Қазақстан 0:3 Грузия

Босния және Герцеговина 1:1 Қазақстан Қазақстан 2:0 Португалия

Қазақстан 1:1 Грекия

Хорватия 2:0 Қазақстан

Плей-офф кезеңінде қазақстандықтар Сербия құрамасымен кездесті. Екі ойынның қорытындысы бойынша Қазақстан 2:1 есебімен жеңіске жетіп, жартылай финалға шықты. Плей-офф:

Қазақстан 1:1 Сербия

Сербия 0:1 Қазақстан

Жартылай финалда Қазақстан құрамасы Түркиямен кездесті. Екі матчтың қорытындысымен түрік командасы келесі кезеңге өтті. 

 Жартылай финал:

Қазақстан 0:3 Түркия

Түркия 1:1 Қазақстан

Осылайша, Қазақстан құрамасы FIFAe Continental Championship Europe 2026 турнирін үздік төрттікте аяқтады. 

Айта кетейік, құрлықтық чемпионат Лиссабондағы FPF Arena алаңында өтті.