Тренттің "Ливерпуль" жанкүйерлеріне алғысы: «Мен сіздердің қолдауларыңызды әрі махаббаттарыңызды сезіндім»
Getty
Трент Александр-Арнолд «Ливерпуль» жанкүйерлеріне қолдауы үшін алғыс айтты. Бұған дейін қорғаушы маусым соңында клубтан кететінін, 20 жыл бойы осы жүйеде болғанын хабарлаған еді, деп хабарлайды Bassport.kz сайты.
«Айтарым көп. Ең алдымен, сіздерге зор алғысымды білдіремін. Сіздер менімен басынан бастап бірге болдыңыздар, әрдайым қолдап отырдыңыздар, қасымнан табылдыңыздар. Сіздердің қолдауларыңызды, махаббаттарыңызды сезіндім, мен үшін жасаған барлық істеріңіз ешқашан елеусіз қалған жоқ, әрбір сәттен ләззат алдым. Бұл сезімнің өзара болғаны сіздерге байқалды деп үміттенемін және мен клуб үшін қолымнан келгеннің бәрін беруге тырыстым.
Мен ешқашан қол жеткізе алмаймын деп ойлаған жетістікке жеттім, және оны осы клубтың жанкүйерлерімен бірге жасағанымды ешқашан ұмытпаймын. Менде мәңгі жадымда қалатын керемет естеліктер бар.
Менің қайта оралатыныма ешқандай күмәнім жоқ – бір күні балаларымды «Энфилдке» ертіп келіп, дәл осы жерде ойнағанымды көрсеткім келеді, сол сәттеріміздің видеолары мен жарқын сәттерін оларға тамашалатқым келеді.
Осы үшін сіздерге үлкен рақмет, маған жасаған барлық жақсылықтарыңыз үшін рақмет. Қолдауларыңызға, махаббаттарыңызға, менің артымда сенімді тұрып бергендеріңіз үшін алғыс айтамын. Мен бұл клубты және оның ішіндегі адамдарды әрдайым жақсы көретін боламын, жанкүйерлерді де солай. Мен ойыншы ретінде кетіп бара жатсам да, жанкүйер ретінде әрқашан «Ливерпульмен» біргемін», – деді Трент.