Қазақстан құрамасының жалғыз голының авторы Беларусьтан ірі есеппен жеңілудің себебін атады
kff.kz
Қазақстан ұлттық құрамасының шабуылшысы Ғалымжан Кенжебек Беларуське қарсы өткен жолдастық матчтан (1:4) кейін сұхбат берді, деп хабарлайды Bassport.kz Metaratings.by басылымына сілтеме жасап.Қазақстан ұлттық құрамасының шабуылшысы Ғалымжан Кенжебек Беларуське қарсы өткен жолдастық матчтан (1:4) кейін сұхбат берді, деп хабарлайды Bassport.kz Metaratings.by басылымына сілтеме жасап.
Матч бейсенбі, 6 маусым күні Борисов қаласында (Беларусь) өтті. Бұл кездесуде Кенжебек Қазақстан құрамасының жалғыз голын соқты.Матч бейсенбі, 6 маусым күні Борисов қаласында (Беларусь) өтті. Бұл кездесуде Кенжебек Қазақстан құрамасының жалғыз голын соқты.
— Матч басталмай тұрып, Борисовта қатты жаңбыр жауды, осыған байланысты ойын жарты сағатқа кешіктірілді. Осындай қиын жағдайда ойнау қаншалықты қиын болды?
— Менің ойымша, біз ауа райына байланысты емес, өзіміздің жіберген қарапайым қателіктеріміз үшін жеңілдік.
— Қазақстан құрамасына қарсы ойында Беларусь командасының басымдықпен ойнайтынын күттіңіздер ме?
— Иә.
— Бұл олардың өз алаңында ойнағанынан ба?
— Иә, жалпы кез келген команда өз алаңында ойнағанда оңайырақ. Сондықтан бізге расымен ауыр болды.
— Бұрынғы бас бапкер Станислав Черчесов пен қазіргі жаттықтырушы Әли Әлиевтің талаптары қаншалықты ерекшеленеді?
— Әр бапкердің өз талабы болады.
— Қазақстан құрамасы 2026 жылғы Әлем чемпионатының іріктеу кезеңінде Бельгия, Солтүстік Македония, Уэльс, Лихтенштейн секілді командалармен ойнайды. Қай командадан көбірек қауіп күту керек деп ойлайсыз?
— Біз барлық қарсыласқа бірдей дайындаламыз.
— Егер Беларусьта тағы бір жолдастық матч өткізу ұсынылса, келісер ме едіңіз? «Борисов-Аренадағы» атмосфера ұнады ма?
— Егер мүмкіндік болса, әрине, барар едік. Атмосфера жақсы болды. Барлық жанкүйерлерге алғыс айтқым келеді: өзіміздің де, Беларусьтегі көрермендерге де. Барлығы жақсы өтті. Өкінішке қарай, бүгін жеңіліп қалдық. Енді келесі ойынға барынша дайындалып, жеңіске жетуге тырысамыз.
Қазақстан құрамасы қазіргі таңда 2026 жылғы Әлем чемпионатына іріктеудің J тобында 3 ұпаймен үшінші орында тұр. 9 маусым күні Әли Әлиевтің шәкірттері Солтүстік Македонияны қабылдайды.