Дмитрий Бивол IBF чемпионы атағынан айырылуы мүмкін
Vesti.kz
Жартылай ауыр салмақта IBF тұжырымы бойынша әлем чемпионы атағын ұстап тұрған ресейлік боксшы Дмитрий Бивол белбеуінен айырылуы мүмкін. Бұл туралы Bassport.kz Second Out басылымына сілтеме жасап хабарлайды.
Мәліметке сәйкес, Халықаралық бокс федерациясы (IBF) Биволды міндетті түрде неміс боксшысы Майкл Эльфертке қарсы титул қорғау жекпе-жегіне шығуға міндеттеген. Алайда Бивол өз кезегінде отандасы Артур Бетербиевпен үшінші кездесу өткізгісі келетінін мәлімдеді.
— Енді IBF Биволдан чемпиондық белбеуін тартып алуға толық құқылы. Бұған дейін Дэвид Бенавидеспен жекпе-жекке келісім бермегені үшін Дүниежүзілік бокс кеңесі (WBC) осындай шешім қабылдаған болатын, — делінген хабарламада.
Айта кетейік, 2024 жылдың қазан айында өткен алғашқы кездесуде Бетербиев Биволды төрешілердің бөлінген шешімімен жеңген. Ал 2025 жылдың ақпанында Бивол реваншта айқын басымдықпен жеңіп, абсолютті әлем чемпионы атанды.
Бивол мен Бетербиев арасындағы үшінші жекпе-жек 2025 жылдың соңына жоспарланып отыр.