“Алтын доп” жүлдесінің финалдық үміткерлер тізімі жарияланды
Прессбол
Score 90 спорт порталы 2025 жылғы “Алтын доп” жүлдесінің финалдық фавориттер тізімін жариялады, деп хабарлайды Bassport.kz.
Күткендей, көш басында – Францияның “Пари Сен-Жермен” клубының жұлдызы, маусымның басты серпілісі саналатын Усман Дембеле.
Екінші орында – “Барселонаның” жас талант иесі, бірнеше “ең жас” рекордтарын жаңартқан Ламин Ямаль.
Үздік үштікке күтпеген жерден “Реал” шабуылшысы Килиан Мбаппе кірді. Ол өткен маусымда Еуропаның “Алтын бутса” иегері атанған еді.
Төртінші орында – “Барселонаның” негізгі ойын құрастырушысы Педри Гонсалес, ал бесінші сатыда – “Ливерпуль” форварды, мысырлық Мохаммед Салах.
Айта кетейік, France Football журналы мен УЕФА ұйымдастыратын марапаттау рәсімі 22 қыркүйекте Париждегі “Шатле” театрында өтеді. Бұл кеште басты трофеймен қатар 13 беделді жекелей сыйлық табысталады.