Головкин мен Кроуфорд айқасы туралы ақпарат шықты
Бокс
Olympic.kz
Британдық бұрынғы әлем чемпионы, WBA тұжырымы бойынша суперорта салмақ иегері Джордж Гроувс қазақстандық Геннадий Головкиннің америкалық Терренс Кроуфордқа лайықты қарсылас бола алатынын айтты, деп хабарлайды Bassport.kz сайты 1bol.kz-ке сілтеме жасап.
Гроувстың пікірінше, Головкиннің рингке қайта оралуы бокстың ең маңызды оқиғаларының біріне айналуы мүмкін. Ол Кроуфордтың жаңа салмаққа бейімделу кезінде қиындықтарға тап болуы ықтимал екенін атап өтті.
«Мен Кроуфордқа үлкен құрметпен қараймын, бірақ оның мені жеңе алатынына сенбеймін. Ол суперорта салмақта ірі әрі күшті қарсыластармен күресуде қиналуы мүмкін. Егер ол төменгі салмаққа қайта түсе алмаса, дәл осы жағдайда Головкин оған лайықты қарсылас болар еді. Трипл Джи оған нағыз сынақ болмақ», — деді Гроувс.
Айта кетейік, Геннадий Головкин соңғы рет 2023 жылы жекпе-жек өткізген. Қазіргі уақытта ол «заманауи боксшылар» санатында Даңқ залына үміткер атанған. Boxing Scene басылымына берген сұхбатында Головкин рингке қайта оралу мүмкіндігін жоққа шығармаған.
Мамандардың пікірінше, Головкин мен Кроуфорд арасындағы ықтимал кездесу қазіргі бокс әлеміндегі ең қызықты айқастардың бірі болуы мүмкін.