Қазақстан құрамасының Олимпиадаға арналған киімі таныстырылды
Қысқы спорт
Сурет: ҚР Туризм және спорт министрлігі
2026 жылғы қысқы Олимпиадаға арналған Қазақстан құрамасының спорттық киімі таныстырылды, деп хабарлайды bassport.kz тілшісі.
Туризм және спорт министрлігінде 2026 жылғы ақпанда Италияның Милан және Кортина-д’Ампеццо қалаларында өтетін ХХV қысқы Олимпиадаға қатысатын ұлттық құраманың спорттық киім жиынтығы таныстырылды.
Әзірге Қазақстан ұлттық құрамасы мәнерлеп сырғанау, шорт-трек және конькимен жүгіру спорт түрлерінен Ақ Олимпиадаға жолдама жеңіп алды.
XXV қысқы Олимпия ойындары 2026 жылғы 6-22 ақпан күндері Италияның Милан және Кортина-д’Ампеццо қалаларында өтеді. Оған әлемнің 93 елінен 3 500-ден астам спортшы қатысады.
