«Комо» Фабрегасты клубта қалдыру үшін трансферлік терезеде 100 млн € жұмсауға дайын
Getty Images
«Комо» бапкерлік штабта Сеск Фабрегасты қалдыру үшін барлық жағдайды жасауға дайын, деп хабарлайды Bassport.kz сайты, инсайдер Николо Скираға сілтеме жасай отырып. Италиялық клуб қазіргі бас бапкерге алдағы бірнеше жылға арналған маңызды жобаны ұсынбақ. Инсайдер Николо Скираның әлеуметтік желідегі хабарлауынша, «Комо» жазғы трансферге шамамен 100 миллион еуро бөлмек. Мұндай жағдайда командаға келесі маусым қорытындысы бойынша еурокубоктарға шығу міндеті қойылады.
Бұған дейін Фабрегасқа «РБ Лейпциг», «Манчестер Сити» және «Барселона» клубтары қызығушылық танытқаны хабарланған еді.
Фабрегас «Комо» клубының бас бапкері қызметіне 2024 жылдың жазында тағайындалған. А Сериясының 36 турынан кейін команда 48 ұпай жинап, турнир кестесінде 10-орында тұр.