World Boxing Cup: Алғашқы күннің нәтижесі белгілі болды
ҰОК
Астанадағы Жақсылық Үшкемпіров атындағы Жекпе-жек сарайында өтіп жатқан бокстан World Boxing Cup турнирінің алғашқы күні өз мәресіне жетті.
Күннің басты оқиғаларының бірі – қазақстандық боксшылардың сәтті бастамасы болды. Алғашқы күні шаршы алаңға шыққан бес спортшының төртеуі жеңіске жетті.
Жеңіске жеткен боксшылар:
48 келі, 1/8 финал — Назым Қызайбай (Қазақстан) канадалық Приянка Диллоннан басым түсті
54 келі, 1/16 финал — Әнел Сақыш (Қазақстан) германиялық Татьяна Обермайерді жеңді
60 келі, 1/8 финал — Виктория Графеева (Қазақстан) жапониялық Аяка Тагучиден айласын асырды
70 келі, 1/8 финал — Наталья Богданова (Қазақстан) үндістандық Санама Чануды ұтты
Жеңіліс тапқан боксшы:
70 келі, 1/8 финал — Абылайхан Жүсіпов (Қазақстан) қырғызстандық Алмаз Орозбековпен болған кездесуде жарақат алып, екінші раундта жекпе-жекті тоқтатуға мәжбүр болды.
Турнир өз жалғасын табады. Қазақстандық жанкүйерлер ел намысын қорғайтын боксшылардан алдағы күндері де жарқын жеңістер күтеді.