Хамзат Чимаев UFC жұлдыздарын сынға алды
Ведомости
UFC-де жеңілмеген ресейлік файтер Хамзат Чимаев алдағы маңызды жекпе-жек алдында өзінің дивизионындағы танымал спортшылар туралы пікірін ашық білдірді, деп хабарлайды Bassport.kz.
Red Corner MMA арнасына берген сұхбатында Чимаев әр спортшыға қысқаша әрі өткір сипаттама берді:
– Колби Ковингтон – клоун
– Хорхе Масвидаль – жалған гангстер
– Камару Усман – жақсы файтер
– Шавкат Рахмонов – жақсы файтер
– Алекс Перейра – қорқақ бала
– Роберт Уиттакер – жақсы жігіт
– Шон Стрикленд – күлкілі адам
– Конор МакГрегор – шоумен
Атап өтерлігі, Чимаев Шавкат Рахмоновты жағымды сипаттап, оны жақсы файтер ретінде атады. Бұл – оның қазақстандық спортшыға деген құрметін білдіретін сирек пікірлердің бірі.
Еске сала кетейік, Хамзат Чимаев 17 тамыз күні орта салмақта UFC чемпионы атағы үшін октагонға шығады. Оның қарсыласы – Оңтүстік Африкадан шыққан қауіпті қарсылас Дрикус Дю Плесси. UFC 319 турнирі АҚШ-тың Чикаго қаласында өтеді және жылдың басты оқиғаларының бірі болмақ.