Боливиялық футболшылар әлем чемпионатының іріктеу кезеңінде допинг қолданды
Спортс
2026 жылғы футболдан әлем чемпионатына іріктеу кезеңінде Боливия құрамасының екі ойыншысы допингке қарсы ережелерді бұзғаны анықталды. Бұл туралы Bassport.kz Euro-football.ru және Antena 2 басылымдарына сілтеме жасап хабарлайды.
Колумбия құрамасының өкілі журналист Адриан Маньолиге екі боливиялық футболшының допинг сынамасынан оң нәтиже көрсеткенін растаған. Олардың бірі – Борис Сеспедес – жағдайды мойындады. Допинг сынамасы Боливия мен Уругвай арасындағы (0:0) матчтан кейін алынған.
Сеспедестің айтуынша, ол биіктіктегі жағдайларға бейімделу үшін дәрі қабылдаған. Айта кетейік, Боливия астанасы Ла-Пас теңіз деңгейінен 3500 метр биіктікте орналасқан.
ФИФА ережелеріне сәйкес, спортшыларға қосымша сараптама тапсыруға мүмкіндік беріледі. Бұл процесс 5-6 айға дейін созылуы мүмкін. Осы уақыт ішінде ойыншылардың жазасы қаралып, нақты шешім қабылданады.
Қазіргі таңда Боливия құрамасы іріктеу турнирінде плей-офф кезеңінен бір ұпай артта қалып, әлем чемпионатына қатысу мүмкіндігін әлі де сақтап отыр. Команданың ұпайы алынбайды, өйткені ереже бұзушылар саны екі адаммен шектеліп отыр.