Олимпиада-2024 жанжалынан кейін Иман Хелиф бокстан кетті
Бокс
Чемпионат
Алжирлік боксшы Иман Хелиф Париждегі Олимпиададан кейін рингке шықпай жүр. Бұл туралы оның бұрынғы бапкері әрі менеджері Нассер Йефсах мәлімдеді, деп хабарлайды Bassport.kz Sport24.ru-ға сілтеме жасап.
Еске сала кетейік, 2024 жылғы Олимпиада ойындарында Хелиф 66 келіге дейінгі салмақта алтын медаль жеңіп алған болатын. Алайда турнир барысында спортшының өткен жылы гендерлік тесттен өте алмай, әлем чемпионатынан шеттетілгені белгілі болды. Тест нәтижелері оның биологиялық тұрғыдан ер адам екенін көрсеткен еді.
Олимпиададан кейін Хелиф кәсіби боксқа ауысатынын жариялап, француздық Nice Azur Boxe клубынан кеткен. Дегенмен, Йефсахтың айтуынша, ол толықтай бокстан кеткен.
«Иман тек Ниццадан ғана емес, бокстан да кетті. Nice Azur Boxe оған кәсіби келісімшарт ұсына алмады. Бір жекпе-жек Сингапурда өтті, бастапқыда бес жекпе-жек жоспарланғанымен, келіспеушіліктерге байланысты ол жүзеге аспады. Қазір ол ештеңемен айналыспайды, тіпті өзіне келе алған жоқ. Олимпиададан кейінгі жағдайлардан соң ол қайтадан гендерлік тестке тап болады. Қазір тек Алжирде немесе Катар ұлттық орталығында жаттығады, бірақ бұл жай ғана дайындық. Көбіне демеушілік келісімшарттар арқылы саяхаттап жүр», — деді Йефсах Nice Matin-ге берген сұхбатында.