Рыбакина Пегуланы жеңген соң жанкүйерлерге алғысын айтты
Фото: Jimmie48
Қазақстандық теннисші Елена Рыбакина Билли Джин Кинг кубогының ширек финалында америкалық Джессика Пегуланы сенімді түрде жеңгеннен кейін жанкүйерлердің қолдауын ерекше атап өтті.
Бүгін, 18 қыркүйекте, қазақстандық спортшы қарсыласын 6:4, 6:1 есебімен ұтты. Осылайша, АҚШ пен Қазақстан арасындағы ширек финалдық сериядағы жалпы есеп теңесті — 1:1. Ойын Қытайдың Шэньчжэнь қаласында ұйымдастырылған.
Корттағы сұхбат барысында Рыбакинадан жанкүйерлер жайлы сұрағанда, ол қысқа ғана: «Мұнда өзімді өз алаңымыздағыдай еркін сезінемін, әсіресе жанкүйерлердің қолдауы ерекше», — деп жауап берді.
Айта кетейік, АҚШ — Қазақстан жұбының жеңімпазы жартылай финалда Жапония — Ұлыбритания кездесуінің асығы алшысы түскен спортшысымен ойнайды. Аталған матчтар да 18 қыркүйек күні өтеді.