Сәкен Бибосыновтың келесі қарсыласы белгілі болды
Бокс
Ашық дереккөзінен
Қазақстандық боксшы, Олимпиада жүлдегері Сәкен Бибосынов кәсіби бокстағы екінші жекпе-жегін өткізеді.
Ол Қырғызстан астанасы Бішкекте өтетін бокс кешінде жергілікті спортшы Әділет Качкынбековпен жұдырықтасады. Жекпе-жек 25–26 қазан күндері Saikou Lush промоутерлік компаниясының ұйымдастыруымен өтетін турнир аясында жоспарланған.
Айта кетейік, Бибосынов кәсіби рингтегі алғашқы жекпе-жегінде сенімді жеңіске жетіп, үлкен спорттық мансабын сәтті бастаған еді.