Жәнібек Әлімханұлы «абсолют» атағы үшін өтетін жекпе-жектерін жариялады
Тұрар Қазанғапов
Орта салмақта WBO және IBF тұжырымдары бойынша әлем чемпионы Жәнібек Әлімханұлы «абсолют» атағы үшін өтетін жекпе-жектерінің жоспарымен бөлісті, деп хабарлайды Bassport.kz.
Mo Boxing No Problem басылымының мәліметінше, «Қазақ стилінің» жоспары мынадай:
– 2025 жылдың жазында Жәнібек WBC белбеуінің иесі, доминикандық Карлос Адамеспен күш сынасып, алғашқы біріктіру жекпе-жегін өткізгісі келеді;
– Күзде немесе қыс мезгілінде WBA тұжырымының чемпионы, кубалық Эрисланди Ларамен жұдырықтасып, төрт белбеудің үшеуін иемденуді көздейді;
– Ал 2026 жылдың мамырында екінші орта салмақтағы абсолют чемпион, мексикалық Сауль «Канело» Альвареспен кездесу өткізуді жоспарлап отыр.
Әлімханұлы бұл жоспарды растап, X (бұрынғы Twitter) желісіндегі парақшасында жарияланған жазбаны қайта бөлісті.