Қазақстан хоккей құрамасының бас бапкері ӘЧ-2025 сәтсіздіктен кейін өз-өзін ұстай алмады
hcadmiral.ru
Қазақстан құрамасының бас жаттықтырушысы Леонид Тамбиев 2025 жылғы әлем чемпионатының ұйымдастырылуын сынға алды, деп хабарлайды Bassport.kz «Матч ТВ» арнасына сілтеме жасап.
Әлем біріншілігі 9–25 мамыр аралығында Швеция мен Данияда өтуде. Қазақстан құрамасы В тобының турнирлік кестесінде сегізінші орын алып, элиталық дивизионнан шығып қалды.
— Әлем чемпионатының ұйымдастырылуын қалай бағалайсыз? Дегенмен, сіз бұл турнирге алғаш рет қатысып отырсыз ғой.
— Ұйымдастыру деңгейі өте әлсіз болды. Киім ауыстыратын бөлмеден мұз айдынына дейін 900 қадам жүріп өту керек. Қақпашыларды тіпті электрокармен тасымалдады, өйткені олар өздері жүре алмайтын еді. Оған қоса, ойын алдында бапкерлер алаңға шығу үшін жанкүйерлер тұрған аймақ арқылы өтуі керек — ол жерде айқай-шулар да болды, әртүрлі жағдайлар орын алды. Киім ауыстыратын бөлмелерде ДСП-ден жасалған картон қабырғалар болды, бізге көршілес венгрлер орналасты. Олардың сөйлегенін, қандай музыка тыңдайтынын, клюшкаларын қалай қырнайтынын түгел естіп отырдық. Ойын аяқтала салысымен жаттықтырушылар бөлмесінде өз заттарың болмай қалады — бәрін алып кетеді, келесі матчқа дайындалу керек екен. Қонақүй мен тамақтану да өте төмен деңгейде болды, мен бұл жағдайды ҚХЛ-дегі жағдаймен салыстырып айтып отырмын. Кейде жарты сағат кешігіп келсең, тамақтың бәрін алып тастаған болады.
Бұл – барып тұрған сорақылық. Ұйымдастыру деңгейі өте нашар болды, қала да өте кішкентай екен — тек жанкүйерлерден ғана құралған. Ойындарға үш мың адам ғана келетін. Швеция — хоккей елі, ал Даниядағы жағдай мүлдем дұрыс ұйымдастырылмаған.