Қазақстан боксшылары халықаралық турнирге мықты құраммен аттанады
ҰОК
Қазақстанның ерлер және әйелдер құрамасы 24 мамыр мен 1 маусым аралығында Бангкок қаласында (Таиланд) өтетін Thailand Open–2025 халықаралық турниріне қатысады, деп хабарлайды Bassport.kz.
Байрақты бәсекеде еліміздің намысын бірқатар титулды және тәжірибелі спортшылар қорғайды. Атап айтқанда, ерлер арасында – Дулат Бекбауов, Төрехан Сабырхан мен Диас Молжігітов, ал әйелдер сапында – Виктория Графеева, Наталья Богданова және Гүлсая Ержан өнер көрсетеді.
Әйелдер құрамасы мынадай боксшылардан жасақталған:
48 кг: Гүлназ Бурибаева
51 кг: Жазира Урақбаева
54 кг: Сымбат Алияскер
57 кг: Шахназ Исаева
60 кг: Виктория Графеева
65 кг: Назерке Серік
70 кг: Наталья Богданова
75 кг: Надежда Рябец
80 кг: Гүлсая Ержан
+80 кг: Елдана Тәліпова
Ерлер құрамасы келесідей боксшылардан тұрады:
50 кг: Нұрзат Оңғаров
55 кг: Нұрсұлтан Алтынбек
60 кг: Оразбек Асылқұлов
65 кг: Дулат Бекбауов
70 кг: Төрехан Сабырхан
75 кг: Тимур Нұрсейт
80 кг: Диас Молжігітов
85 кг: Бекзат Танатар
90 кг: Данияр Рахымбердіұлы
+90 кг: Даниял Сапарбай
Thailand Open–2025 турниріне әлемнің бірнеше мықты құрамалары қатысады. Олардың қатарында Өзбекстан, Қытай, Үндістан, Жапония, Оңтүстік Корея және Украина командалары бар.