ҚБФ бас хатшысы ұлттық құрама боксшыларын әшкереледі
Бокс
ҚБФ
Қазақстан бокс федерациясының бас хатшысы Мерей Ақшалов ұлттық құраманың кейбір боксшыларына қатысты қызықты жайтпен бөлісті, деп хабарлайды Bassport.kz.
— Жігіттерге: «Инстаграмға бәрін сала бермеңдер, қайда жүргендеріңді жария етпеңдер» деп айтып жүрмін. Содан кейін халық та әр нәрсеге шу шығара береді. Осы сөздерден кейін, кім екенін айтпай-ақ қояйын, кейбіреулер менен стористерін жасыра бастады. Қазір жігіттер оқу-жаттығу жиынында жүр. Сол жерге арнайы барып, ашық сөйлестім, — деді Ақшалов «Бірінші бол» YouTube арнасына берген сұхбатында.
Айта кетейік, Мерей Ақшалов — 2013 жылғы әлем чемпионы (Алматы), Азия чемпионы (Амман-2013) және Қазақстан чемпионы (2012). Ол 2008 жылы Бейжің Олимпиадасына қатысқан. 2014 жылы денсаулығына байланысты спорттық мансабын аяқтаған.