УЕФА «Қайраттың» тарихи жетістігін ерекше атап өтті
Футбол
NUR.KZ
УЕФА ресми сайты еурокубоктардың үшінші іріктеу кезеңі қорытындыларын жариялап, «Қайраттың» Чемпиондар лигасы-2025/26 плей-офф раундына шыққанын ерекше атап өтті, деп хабарлайды Bassport.kz.
«Қазақстан тарихында бар болғаны екінші рет Чемпиондар лигасында ел атынан клуб өнер көрсетуі мүмкін. Алматының „Қайраты“ Братиславадағы „Слованды“ пенальти сериясында ұтып, плей-офф кезеңіне жолдама алды. Бұған дейін бұл турнирде Қазақстанды тек „Астана“ 2015/16 маусымында таныстырған еді. Ал „Қайрат“ қазірдің өзінде ел футболындағы ең үздік еурокубок нәтижесін тіркеп, кем дегенде Еуропа лигасының топтық кезеңіне қатысу құқығын жеңіп алды. Плей-оффта олар 1967 жылғы Еуропа чемпиондарының Кубогы иегері „Селтикпен“ кездеседі», – делінген УЕФА сайтында.