Almaty Open турнирінде Қазақстаннан жалғыз теннисші қалды
Теннис
Olympic.kz
Қазақстандық теннисші Бейбіт Жұқаев ATP 250 санатындағы Almaty Open турнирінің алғашқы кезеңінде жарыс жолынан шығып қалды.
Отандасымыз америкалық Алекс Мичелсенмен кездесіп, 0:2 (2:6, 3:6) есебімен жеңілді. Осылайша, турнирде еліміздің намысын қорғаған теннисшілерден Михаил Кукушкин, Әмір Омарханов және Тимофей Скатов та алғашқы айналымнан аса алмады.
Қазіргі таңда жарыста ел намысын қорғап жатқан жалғыз қазақстандық – Александр Шевченко ғана. Ол келесі кезеңде француз Корентен Мутемен кездеседі.