Ризабек Айтмұхан реванш алдындағы көз арбасуға қатысты
olympic.kz
Қазақстандық еркін күрес шебері Ризабек Айтмұхан америкалық Олимпиада чемпионы Кайл Снайдермен реванш алдындағы дәстүрлі көз арбасу рәсіміне қатысты.
Қос балуанның жекпе-жегі АҚШ-тың Филадельфия қаласында өтетін RAF 08 турнирі аясында ұйымдастырылады. Қазақстан уақыты бойынша белдесу 19 сәуір күні таңертең өтеді. Кездесу алдында Ризабек пен Кайл Снайдер бетпе-бет кездесіп, жанкүйерлер мен БАҚ өкілдерінің алдында суретке түсті.
Айта кетейік, бұл кездесуде Кайл Снайдер жартылай ауыр салмақтағы чемпиондық белбеуін қорғайды. Ал Ризабек Айтмұхан үшін бұл — былтыр Алматыда кеткен есенің қайтарымын алуға тамаша мүмкіндік.
Еске салсақ, олардың алдыңғы белдесуінде америкалық балуан айқын басымдық танытып, қазақстандық спортшыны 8:0 есебімен жеңген болатын. Енді Ризабек алдағы реваншта сол жеңілістің есесін қайтаруға тырысады.