Бублик Уимблдоннан ерте шығып қалуына байланысты ATP рейтингінде үш саты төмендеді
Теннис
Ведомости
Қазақстанның бірінші ракеткасы Александр Бублик ATP рейтингінде үш орынға төмен сырғып, 34-орынға жайғасты, деп хабарлайды Bassport.kz.
«Уимблдон» турнирінің бірінші айналымында жарыстан шығып қалғаны үшін Бублик 90 ұпай жоғалтты. Қазіргі таңда оның есебінде 1585 ұпай бар.
Сондай-ақ, тағы бір қазақстандық теннисші Александр Шевченко да үш орын төмендеп, 101-сатыға сырғыды. 24 жастағы спортшының еншісінде 610 рейтингтік ұпай қалып отыр.
Бұл өзгерістер «Уимблдоннан» кейін жарияланған ATP жаңартылған рейтингінде көрсетілді.